الزاميا (Zamioculcas zamiifolia – ZZ Plant)

أنا الزاميا أو زي ما بحبوا ينادوني بالإنجليزي ZZ plant. اسمي غريب شوية جاي من أصل لاتيني طويل بس الناس عادة بتكتفي بـ ZZ

وين بعيش؟
بعيش بأماكن فيها ضو متوسط أو ضعيف وما بحتاج شمس مباشرة

الماء؟
اسقوني بس لما التربة تنشف لأني بخزن المي بجذوري اللي بشكل درنات وما بحب المي الكتير يعني كل 10-14 يوم بالصيف ، وكل 20-30 يوم بالشتاء . 

التراب والسماد؟
ترابي لازم يكون خفيف ويصرف المي بسرعة والسماد الخفيف بيساعدني أضل قوية

الجو؟
بحب الدفا والجو المعتدل بين 18-30°C وما بطلب رطوبة عالية 40-60% بتكفي .

كيف بتكاثر؟ ببساطة، فيكم تزرعوا ورقة أو تفصلوا درنة من جذوري وتزرعوني من أول وجديد. 

شو رمزيتي؟
أنا رمز الصمود والازدهار عشان بضل خضرا حتى بظروف صعبة .اقتباس بمثلني : “في عمق الشتاء تعلمت أخيرًا أن بداخلي صيفًا لا يُقهر”. – ألبرت كامو