دليل هوية النباتاتدليل هوية النباتات
اليوم العالمي للصحة النفسية: بالطريقة الخضراء
أصدقاؤنا الخُضر… أكثر بكثير من مجرد ديكور جميل!
من النخيل المزروع بالأصص اللي ينقّي الهواء، إلى الصبّار الهادئ اللي يخفف توترك، أصدقاؤنا الخُضر عندهم فوائد مذهلة لجسمك وعقلك معًا.
خلينا نعرف على بعض فوائدها المدهشه 👇
- بتخفف التوتر والقلق
تخيل إنو بس وجود نبتة جنبك ممكن يخلي جسمك يهدا! دراسة من Journal of Physiological Anthropology بتقول إنو لمس النباتات أو حتى وجودها بالمكان ممكن يخفض مستويات التوتر. الغريب إنو حتى تربة النباتات فيها نوع من البكتيريا اسمه Mycobacterium vaccae بيشتغل مثل مضاد اكتئاب طبيعي . - ترفع المزاج
النباتات مش بس منظر حلو، هي فعلاً بتأثر بمزاجنا. موقع WebMD نشر بحث بيأكد إنو الناس اللي بيشتغلوا بأماكن فيها نباتات بيكونوا أسعد، بياخدوا إجازات مرضية أقل، وبيحسّوا بتوتر أقل. يعني لو المكتب تبعك باهت… يمكن نبتة صغيرة تكون كل اللي ناقصك! - مهدئة ومريحة للاعصاب
النباتات تساعد بخفض ضغط الدم، معدل ضربات القلب، وكمان هرمون التوتر “الكورتيزول”. وما ننسى اللون الاخضر وتاثيره - تساعد على الشفاء
يمكن تفكر إن إهداء نبتة أو وردة لشخص مريض بالمستشفى مجرد لفتة لطيفة، بس في الحقيقة ممكن تساعده يتعافى أسرع! دراسة من جامعة كنساس الحكومية أوصت باستخدام النباتات كـ “علاج مكمل بسيط وفعّال للمرضى بعد العمليات الجراحية”. النتائج بيّنت إن المرضى اللي كان في غرفهم نباتات شعروا بقلق وإجهاد أقل من غيرهم.
فعلاً… الطبيعة عندها طاقة شفاء غريبة 💚
- العناية فيها بتخليك تحس بالإنجاز( العناية بالنيات + عناية بالنفس)
لما تسقي نبتتك، تشيل ورقة ذبلت، أو تبدّل الأصيص… دماغك بيكافئك بجرعة دوبامين – هرمون السعادة. هيك بتصير كل لحظة عناية بالنبات لحظة راحة نفسية. - اللون الاخضر… طاقة شفاء عميقة
اللون الأخضر مو بس مريح للعين — هو رمز للحياة والتجدد والأمل. الأبحاث بتوضح إن النظر للّون الأخضر أو التواجد بمكان فيه خضرة بيهدّئ الجهاز العصبي ويخفف القلق. كمان بيرمز للنمو والبدايات الجديدة، وبيعطينا إحساس بالأمان الداخلي والاتصال بالطبيعة 🌍. 💚 الأخضر يذكّرنا دايمًا إنو “في أمل، في تجدد، وفي حياة”.
وهلا بعد ما عرفت عن كل الايجابيات للنبتات في دعم صحتك النفسية. شو رايك تاخد/ي اول خطواتك بادخال النبتات لبيتك واستشعار الهدوء الداخلي💚
